مجهول
1- اما سؤالي هو اذا كاين اطباء نفسانيون لا يشترطون الحضور، يعني يخدمو عن بعد عبر..
1- اما سؤالي هو اذا كاين اطباء نفسانيون لا يشترطون الحضور، يعني يخدمو عن بعد عبر مواقع التواصل الاجتماعي مثلا و تخلصهم عبر ccp؟ اذا موجودين حطولنا حسابات مواقع التواصل الاجتماعي الخاصة بهم. شكرا 2- اذا تحط تسألي الناس الا يعرفو طبيبة نفسانية او طبيب نفسي اقدر اطرح عليه اسئلة واتواصل معاه عبر مواقع تواصل ويكون ثقة ارجوك فعلا محتاجة اذا كانت طبيبة احسن 3- من فضلكم حبيت نسقسي على أخصائي نفسي يكون يقدم الاستشارة عبر مواقع التواصل الاجتماعي لانو ظروفي ما تسمحش نزورو شخصيا
مادامني من أهل التخصص نقولك البسيكولوغ اللي يخدم معاك هنا ولا فلفايسبوك ماهوش بسيكولوغ... التخصص عندو خصوصيات ماهوش تع تسقسي يجاوبك كيما راكم دايرين فبالكم الحضور واجب لأنو الجانب غير اللفظي مهم أكثر من اللفظي بحد ذاته ربما اللي يهدر معاك يمدلك بعض الأفكار باش تحل المشكل لكن ماتتوقعش يفهمك بالشكل اللي راك تحوس عليه بالنسبة اللي يعاني من اضراب معين كاين اضطرابات يتشابهو ولازم تشخيص جيد والتشخيص الجيد مايمدهولكش الفايسبوك إذا حبيت الجلسات ينجحو ماشي يهدر معاك بزوج كلمات على المدى الطويل يولو غير فعالين منبعد تقول البسيكولوغ مايدير والو. بالإضافة إلى مسألة الوقت هنا ولا فلفايس تروح الكونيكسيون برك يتهدم واش بنيتو من هدرة ويروح الموود هاذاك.... وكاين بزاف أسباب تخلي البسيكولوغ مايخدمش فمواقع التواصل...
اسمحولي خاوتي لي راهم حابين يعانو والله شي يفرح لقلب مي نصيحة بسيطة من اهتمامي في الموضوع (انا ماراني قارية ماراني من اهل اختصاص مهتمة فقط بعلم النفس) النقطة هي تخلو الاستشارات لعندهم اعتماد يعني طبيب نفسي عندو الحق من الدولة يمارس المهنة لخاطر مسألة خصوصية الافراد مهمة لابعد الحدود, والمعتمد من قبل دولو بينو وبين الدولة عهد يحافظ على خصوصية مرضاه. اي خرق لهذه المعاهد فيه مسائلة قانونية لاثرها على المريض. فماتزعفوش كي نقول للي يحتاجو طبيب نفسي يتاكدو انو معنمد قبل مايحكو معاه اونلاين ويشوفوه كام وربي يفرجها على الجميع. والوصية لعمرها ماتخيب سورة البقرة كل يوم تشوف الاعجاز في وضح النهار مي تحتاج مجاهدة نفس وساعة نص من وقتك
انا طالبة علم النفس اولا شفت تعليقات لي راهم يقولو رانا هنا هي نعم ربما تقدر تنصحه بحالته لكن من المستحيل انك تشخصك كلكم قريتو شروط العلاج النفسي لي يضمن المقابلة و الملاحظة و عقد العلاج مهم اك تقابل الحالة كاين امور مهمة تلعب دور .. حتى الشخص هذا الان مرهش مستوعب باش يروح عند اخصائي نفساني فقرر انها تكون الكترونية هذا فحد ذاته راه يطلب في المساعدة لكن مرهش حاب يظهر لظروف و هذه النقطة تاثر على العمل لي ما بين اخصائي نفساني و المفحوص لانو لازم يتعاونو لزوج و يخدمو في شكل مشترك . اذا تعليقات ليراهاتقدر تقول تعاون فقط بنسبة قليلة ننصحك تتوجع عند اخصائي أحسن و افضل ومنها. تحقق نتيجة لي راك حاب توصلها
انا مختصة في علم النفس وانشر كل ماله علاقة بتطوير الذات وعلم النفس💕واقدم استشارات نفسية مجانية وهذه استشارات تكون عبارة عن ارشاد وتفهم الانسان وتوجيهه اما العلاج النفسي فيكون في العيادة عن طريق العلاجات النفسية
أولا كاين فرق بين طبيب نفسي وأخصائي نفسي وثانياا الجلسات العلاجية أبدا لتكون عن بعد يلزم الحضور شخصيااا لااازم لأنو العلاج ميمشيش بطريقة عن بعد إلا للضرووورة القصوووى واللذين يستعملون وسائل التواصل الإجتماعي للعلاج ماهم إلا متاجروون بعلم النفس
مكانش هاذي علم النفس لحد الآن قريتو ومقرستش علم النفس الالكتروني. اما اذا لقيت لي يقلك انا نعاونك ممكن تلقاهم تاع تنمية بشرية او حتى اخصائي غير متمكن. لكن اذا عاونك مجانا هذا خدمة منه في مساعدتك. اما اذا طلب منك النقود لا اظن انك ستفلح . سيكون غرضه فقط الربح. يوجد فقط فرق بين الاستشارة والعلاج النفسي. الاستشارة مدتها قصيرة
لكن احسن شي تروح تزورو شخصيا الطبيب النفسي لا يقتصر عمله على الاستشارة أو الاستماع فقط لا انصح بالطبيب النفسي بي يخدم عن بعد مراحش تلقى نتيجة مرضية
كاين الاخت اسيل ماشاء الله ترد على اي واحد وتنصح ڨاع الناس لي يحتاجها هادا حسابها @acil_mokhtari
كاين ابليكاسيون في بلاي ستور خدموها جزائريين طلهعا وتشترك فيها تلقى كامل الاختصاصات لي تحب وفيها اطباء نفسانيين على حد علمي في وقت الحجر كانو دايرينو باطل الان الله اعلم ادخلي ولا ادخل هنا صفحتهم @beepdoc
انا نشوفها بمنظور اخر كاين فرق بين انو السيد ولا السيدة يحوس الاستشارة بالساهل يعنى بلا ميشقى يحكى غير في الهاتف ولا مثلا زوجها يصعبلها باش يديها هنا لالا تحت اي ضرف لازم يتقدم للعيادة ولا مكان محدد باش يديرو استشارة ولا علاج .لكن فيه فئة اخرى ناس قارية وخدامة في مناصب كبيرة عندها مشاكل نفسية مستحيل تقابل انسان وتحكيلو مشكلتها حنا مثلا يعيطو بزاف مرات رجال او نساء تقولك مكانتي في المجتمع منقدرش نبين روحي مثل رجل يشوف روحو مراة .سؤال هذ الحالات واش ذنبهم علاش ميجربش كاش مختص يحاول يلقالهم حل بالهاتف لانو اذا ملقالهمش حل اكيد ماراحش يتوجه وراح يكمل يغلق على روحي ويؤدي به للانتحار ربما .لهذا انا نتفهم هذ الفئة مع انو صعب التشخيص عن بعد لكن تدخل ولو صغير يمكن يحسن حالتو
ما شاء الله الكل أصبح يقدم إستشارات 👏👏👏 و زيد من خاوج مجال علم النفس ؟؟؟ ما هذا يا هذا!! أولا ماشي اي واحد أرواح أرواح و حكيلو خصوصياتك او أعراضك ا‘ حالتك لأنو كاين حاجه يقراها الأخصائي النفساني يسميوها أخلاقيات المهنة و يتحساب ادا خرج نص كلمة على شي لي دار بيناتكم بشكل مباشر يعني ذكر اسمك و معلومات عليك... ثانيا الحضوور اجبااري مهما يكن الشي لي راك قاصدو على كل جالو طبعا غير انو حاب تفرغ قلبك هاديك حاجه خلاف مممن انو يسمعلك فالمواقع بدون مايكون راح يقدم علاج مناسب... نن ثالثا واحد مايثوبك قريت و درت دورة ولا ني نمد استشارات.... ( شي نهار شت دونتيست يخدم في بلاصة أستاذ لغة عربية والعكس صحييح - الا في حالة انو عندو ديبلوم ولا قاري هك و هك - ) ... يتسما واحد مايفتي على كل واحد... مكانش لي يقدر يكون بسيكولوغ 100% فمواقع التواصل الإجتماعي.
انا نقرا علم النفس و علابالي كيفاش يتم التشخيص و ماتقدرش تعاون واحد هكدا بالكلام فقط لأنو حنا نعتمدو على التعابير اي تعابير الوجه حركات معينة ايحاءات ردات فعل لازم نشوفوها باش نقدرو نديرو تشخيص و اختبارات مانقدروش نطبقوها على مواقع التواصل الاجتماعي
ماراكش مسجل معانا. تقدر تفيدو؟
تقدر تدخل بسهولة منا
Sign in with Google