مجهول
1- اذا تسقسيلي من افضل مدرسة خاصة لتعليم اللغات في الجزائر للدورات المكثفة (شهر)..
1- اذا تسقسيلي من افضل مدرسة خاصة لتعليم اللغات في الجزائر للدورات المكثفة (شهر) 2- تعيش معليش تسقسيلي اذا كاش واحد عندو فكرة على التعليم المكثف للغات في الجامعة اذا مليح ولا لالا
ياخو اقراو فالدار والله كاين كلششش فالانترنت ! لغة اسبانية شهرين قريتها فدار راني دوك نراماجي بيها ! روسية في سمانة وليت نقدر نقراها و المانية تاني، لازم الارادة فقط و تقرا بذكاء ماشي تقرا كلش و ما تعرفش طبق او تهدر بيها . مور ما نجوز الباك راح ندير فيديو ف قناني نوريلكم فيها كيفاع تتعلمو اللغات بطريقة بسيطة 💛
كاين المركز المكثف لتعليم اللغات تابع للجامعة لكن مشي شرط تكون طالب جامعي بش تقرا فيه ( 7500دج لغير الجامعيين و 3500 للجامعيين السعر لثلث شهور) كاين مركزين وحد في بني مسوس وواحد في الجي سونتر، تع بني مسوس فيه صينية انجليزية تركية اسبانية برتغالية الكورية السويدية الايطالية الروسية اليابانية.
اكذب حاجة هاذي لي سموها دورة مكثفة و مانعرف واش .. من المستحيل انك تماستري حاجة في سمانة ولا شهر خاطرش العقل عندو قدرة محدودة على التركيز و الاستيعاب فاليوم او في اي مدة معينة و اذا فتها راح توليلك النتيجة عكسية ماتقبض والو و تزيد تعيا ذهنيا و نفسيا .. بزاف من صحاب هاذ الدورات المكثفة يستغلو فالناس بالتحفيز ايقظ الوحش الجبار الذي بداخلك و مانعرف واش باش يديرو دراهم على ظهر الناس ... شهر ممكن تكفيك باش تتعلم الاساسيات تاع الاساسيات لا اكثر
كاين british English pour anglais et c c.f pour français et pour allemand chouf sur Google سفارة ألمانية في جزائر تصيبهم حاطين زوج فروح يقرو ألمانية
كاين مركز تعليم اللغات المكثف تابع للجامعة. , من احسن اي واحد حاب يتعلم لغه جديده يبداها وحدو, كاين كلشي في الانترنت ,
شوف فالجامعات كاين .. واذا كنت فالعاصمة شوف في بني مسوس او تافورة في بداية كل عام يبداو ... اما بالنسبة فعال او لا اي لغة باه تتعلمها ليق الممارسة حتى لو بينك وبين روحك باه ترسخ الكلمات الجدد والقواعد سينون مجهود بلا ممارسة ما درنا والو .. وبالتوفيق
لا كنتي من بليدة جامعة سعد دحلب تخلصي 5000 في عام كاين لغات فرنسي انجليزية الاسبانية الالمانية تركية و روسيا الاطالية
ماراكش مسجل معانا. تقدر تفيدو؟
تقدر تدخل بسهولة منا
Sign in with Google