مجهول
هل لما نقرا الكتب الرائدة في مجال المال و الاعمال رح تفيدني احسن من نضيع وقت فال..
هل لما نقرا الكتب الرائدة في مجال المال و الاعمال رح تفيدني احسن من نضيع وقت فالجامعة
الادارة في اي مجال هي علم و فن يعني لازم الواحد يحصل على تكوين في الجامعة باش يتوسعو المعارف تاوعو ( وهاذي اللي ناقصة بزاف في المشاريع و الادارات الجزائرية يخدمو مشروع بلا ما يكونو عارفين الاساليب الادارية اللي تمشي مع كل نوع من المشاريع و كيفاش يتعامل مع العمال باش يجيب نتيجة احسن .....) بالاضافة الى التعلم من الحياة المهنية رواللي هي تطبيق لواش درسنا في الجامعة
الجامعة ماهاش برك علم تدرسه هي مجتمع مصغر تتعامل مع الناس وتتعرف على عباد ممكن هوما اللي تولي تخدم معاهم مستقبلا. ناهيك عن التجارب الاخرى المتعلقة بالانشطة الطلابية والمؤتمرات وغيرها. الجامعة ثاني تعطيك اطار مصداقية يعني تقدر تستخدم وضعيتك كطالب جامعي للوصول الى شركات ووزارات وغيرها والحصول على معلومات لمشاريع وابحاث تقوم بها لذلك الكتب لايمكنها استبدال التجربة الجامعية
سواء رائد الاعمال ولا اصحاب الاعمال الميدان ولا التجربة هيا اساس نجاحهم
صح نصيحة رائعة خاصة في بلادنا اي مشروع تحب عليه يدوك لشهادة يعني انك تخلي عندك سلاك وطور روحك خير وخير
قرا جامعة لازم تدي ديبلوم تاعك و ريادة اعمال دخلها بالتجربة مشي بكتب تنمية بشرية هدوك غير يشرح لك الحياة بصح باش دير المال لازم خدمة كيما دوك رانا نشوفو ناس يقرو كتاب و يجو يقولك نبيعلك دورة كيف تا مشروعك من نيتهم غير كطشكيل باغي تدخل ريادة اعمال بدااااا
الشهادة مهمة في وقتنا الحالي وضف لذلك مهارة التعامل صح ليس كل من عنده شهادة ناجح ومتمكن كاين ناس علمتهم الحياة أكثر شيء ولكن مادام قادر دير شهادة كسلاح لك اتسلح بيها وخالط الناجحين وحاول انك تستفاد من تجاربهم ومن نجاحاتهم وحتى من فشلهم حتى تكون على دراية في هذا المجال ..مجال ريادة الأعمال مجال مهم جدا في كل التخصصات وكل التعاملات والمشاريع حتى الحياة الخاصة للانسان أحتاج ادراة محكمة ...
مهماا يكون الدراسة في الجاامعة حتى لو كانت في جامعة ادارة الاعمال راح تخرج منك موظف و ليس رائد اعمال
كل حاجة في بلاصتها عن تجربة في الجامعة راح تتعلم بزاف صوالح و تتعلم كيفاش تجيب المعلومة و كيفاش تبحث عليها هاذا يخليك دايما تتعلم اكثر بينما ايلا اعتمدت على كتب و خلاص دون ارشاد قادر تبعد عن الاصل او ما تفهمش كلش و بالتوفيق ان شاء الله
ماراكش مسجل معانا. تقدر تفيدو؟
تقدر تدخل بسهولة منا
Sign in with Google