مجهول
حبيت نسقسي واش هي المشاريع لممكن تنجز براس مال بين 20-50 مليون؟
حبيت نسقسي واش هي المشاريع لممكن تنجز براس مال بين 20-50 مليون؟
وحدة من الافكار لي قليل يذكرها هي لعفايس نتع مخللات قريت على مشروع تم انحازه في الخليح وراهو داير حالة. يبيعو المخللات وهذا احتمال راس مال 30 مليون يكفيه. مي دايما لواحد يحرب بعدد قليل مع القراب وللاصدقاء ويشوف استعدادهم للشراء. مليقلهمش بلي نتاعو برك باش يدي ردة الفعل الرسمية.
عشرين مليون تقدر تبدا تجارة من منزل الكترونية ، لي يقلك بلادنا مديرش عليه ، بلاما تعمل حانوت . اعمل دكان ف فيسبوك لكن لازم تختار واش راح تجيب الا انت عندك خبرة ممكن نعطيك كفاش دير كما كنت نخدم ولا اول مرة ننصحك تخدم في محل تع قش سواء نسا رجال اولاد وشوف تعلم اعرف السوق وادخل . الا خاطيك صوالح قش ممكن اكسسوارات، احذية
نفس المشكل خممت نجيب سلعة جبب تاع نساء بصح منعرفش لي فورنيسور و زيد مع شكون راح نتعاملوا حبيت نطرحها بالجملة لانو تبيع بديطاي طول ياسر و متعرفش ناس لي عندو خبرة ولا تجربة ينصحني
الا كنت في منطقة داخلية او ريفية انصحك بمشروع فلاحي تربية ارانب مثلا او السمان تبدا بشوية مع الوقت يكبر
افكار اخرى تعتمد على الشخص السائل واش اختصاص لعندو. مي خدمة لماتحتاجش اختصاص مثل تنظيف وتعقيم ومكافحة الحشرات. يقدر مثلا واحد رحل ولا كراي جديد يكلفوا ينظفلوا البيت ويعقموا قبل مل يسكن فيه. فيديوات يوتوب تعلم لي برودويات الصحية وغير ذلك. كاين بزاف الافكار لممكن تعتمد على تخصص الشخص مثلا اذا ميكانيكي يقدر يدير مشروع غير فحص السيارات قبل الشراء.
ماراكش مسجل معانا. تقدر تفيدو؟
تقدر تدخل بسهولة منا
Sign in with Google