مجهول
محل سكانير للسيارات
سلام ،ممكن تساعدونا بافكار او حلول او نصائح لمحل سكانير للسيارات كانت خدمة تتمشى فيه و كلشي و فجاة توقفت خدمة يعني مكنش زبائن لسبب غير معروف
في رايي المتواضع ممكن تغير شوية رسالة التسويق وتستهدف فئة مختلفة تع الناس ماشي الناس العامة خاطر باين بلي الناس لي راهم يسمعو بيك ماشي هوما لي يحتاجوك. تحتاج توصل للناس لي يحتاجوك. اقتراح بسيط بدل الرسالة تع المحل او الهدق تع المحل. يسمى مثلا افحص سيارتك قبل الشراء. ولا ممكن في بلاصت ما تقول بلي عندك سكانار تدير. حنا نفحصولك السيارة تاعك بالسكانر قبل ماتشريها. واستهدف الاسواق تع الدزاير. سيي هاذا العفسة وشوف ممكن ان شاء الله تلاقي نتائج. اعلن على خدمات في اسواق السيارات سواء الافتراضي تع الفيسبوك ولا في الواقع في السوق توزع بطاقة ولا. وتقدر حتى تدير سكانار متنقل يسمى تروح لمول الشي وين ماراه ويزيدك حقها ولا يجيك وين ماراه. اذا تروح ليه توفر عليه وعلى الشراي الوقت.
سكانار تع المراقبة التقنية؟ ولا سكانر تع طونوبيلات تع لي بروبلام وهكا. اذا تع المشاكل تخدم مع كهربائي سيارات خير. ولا فكرة تع براهيم مليحة تخدم سكتور لي يشرو سيارات مستعملة. انا لي شتو ثان لي ناقص سكانار لي يمحي سيرتو السيارات لي تجي من الخارج والسيارات الفخمة كيما FAP مي بالاك مسألة الغش ماعلباليش هادي
ماراكش مسجل معانا. تقدر تفيدو؟
تقدر تدخل بسهولة منا
Sign in with Google