مجهول
تكلفة بناء مسجد بالجزائر
السلام عليكم. أريد أن أعرف بالتقريب ماهي تكلفة بناء مسجد (مع العمال و المعدات و مواد البناء) جزاكم الله خيرا
أنا تبانلي دراهم اللي راح تخسرهم باه تبني جامع مدهم لزووولة دير بيهم مستقبل أفضل تولي عائلات كاملة صدقة جارية لك وما جوامع راهم غير هوما ومراهم يعمرو ما والو تلقى جامع المساحة اكثر من 1000 م والمصلين ربع صف الا اذا في بلاصة مفيهاش جامع اتكل على ربي
لوجه الله تعالى مانيش مفتي أو....... و لكن والله الجزائر راهي تعمرت بالمساجد على الأقل روح لبلدية لي فيها مثلا فاكهة المشمش و ديرلهم مصنع صغير لتحويل الفواكه إلى عصير أو مربى....... على الأقل راك رايح تعيْش 20 عائلة أو أكثر و تقبل إنتقادي🤗♥️
يا سبحان الله الإنسان سقسى على بناء مسجد كان قادر يقول حبيت نعاون عيباد و الرسول صلى الله عليه وسلم قال "من بنى لله مسجدا و لو كمفحص قطاة بنى الله له بيتا في الجنة " تسما كل واحد يلتهي بأموره الشخصية أحسن
بصراحة دائما أتسائل لم يرى الناس الأجر في بناء مسجد فقط، توجد أفكار أخرى(مأوى للمشردين، أطفال إستعصى علاجهم لعدم توفر المال......)، كثرت المساجد و لكنها فاغة، حتى من يبني مسجدا تجده يبنيه و سط المدينة و قرب مي
كما قالو بعض الإخوة فالتعليقات ...والله يا أخي الفقراء أولى ...المساجد كثيرة والحمد لله ....نحن نصحناك وبإمكانك مشاورة من تراهم أهل ثقة وعلم....الله يكون في عونك ويتقبل منك
شعب مبعععرر السيد يسقسي فيهم و هوما صغار العقول ها قالك شحال يسقام يا تجاوبو يا تشد نصائحك عندك بلاك حب يديرو وقف يصيبو كي يموت و بلاك عندو وصية يبني جامع و بلاك فبلاصة لي ساكن فيها هو مكانش جامع.... يا زح تجي تسقسي حاجة يجاوبوك حاجة... جاوبو قد السؤال... و هادو اللي راهم يدبرو المخير فيهم بريكة ماشي مصدقها برك طايحين فيهم الحكمة
هذه دراسه وتعتمد على بزاف صوالح كيما المساحه والتصميم المعتمد وجودة مواد البناء وغيرها لازم مهندس دراسات هو يقلك كلشي على حساب الاثنين تاعك شحال رح يكلفك. يسموه pv هدا هو كيما فاتورة يقلك كل حاجه وشحال تجيك بالتقريب والسعر النهائي
هذه دراسة للمختصين هم ليقولك شحال تسقاملك بعد دراسة معمقة ومن كل الجوانب ، ربي يوفقك أخي و يقدرنا على فعل الخير ❤️
الله يجازيك لكن اذا أمكن, أفضل ان تأوي المتشردين و لي راهم بلا مأوى مساكن والله يغيضو و ربي يسهلك ان شاء الله
Tout le monde a un tapis de priere chez lui, mais personne n'a une chambre d'hôpital.
راني في فصل الشتاء وربي لي علم بحال المتشردين لي برااا تقدر دير دار ايتام تقدر تساعد عائلات محتاجة والله ان الناس راهي ف منازل والبرد قاتلهم ميقدروش يوفرو مدفىء في هاذ الفصل . كاين بزاف مساكين محتاجين تعتبرلك صدقة جارية مثلها مثل المسد . اما عن المسجد الحمد لله كل ميتر تلقا جامع هات لي يصلي فيه برك
على حساب الارض لي راح تبني فيها و المعدات و ادوات البناء تختلف من السعر المتوسط و الجودة المتوسطة الى السعر العالي و الجودة الممتازة اظافة الى حساب مساحة المسجد و وشحال يهز من مصليين و على حساب التصميم سواء كان بسيط او فيه زخارف الى غير ذلك الاحسن ان تتواصل مع مهندسين ثقة تعطيهم صفات المسجد لي حابه و المبلغ لي عندك و هوما يتولاو خدمتهم بالتوفيق
على الميتراج لي عندك. والتفاصيل لفي الجامع. مي ماش تعرف بالتقريب هكاك يحسبولك من3-5 ملايين للمتر المربع طاج واحد. وربي يكتبلك الاجر ان شاء الله
فقط مجرد قراءة تعليقات الجهلة الكارهون للمساجد
ساكن في قلبكم الشيطان و حب الدنيا...
السيد حاب يبني مسجد تقولو المساجد كاين ...وانا نعرف احياء ليس فيها مساجد...
هذا من ناحية ايها الجهلة انا عندي مشروع بناء مسجد صدقة جارية لي والدي لهذا السبب دخلت لاستفسر...ولا واحد اعطى معلومة مفيدة ...تفتحو افواهكم لتدسو سمومكم...
ماشفتوش لي يبنيو ملاعب كرة السفاهة بالملايير ...و يبنيو قاعات الاهراس الشطيح ...ومهرجين التيكتوك و عاهرات الانستاغرام قولولهم يبنيو ديور للايتام...
المساجد بيوت الله..وكل ارض تصلي فيها تشهد لك يوم القيامة..ومن بنى مسجدا في سبيل الله بنى الله بيتا في الجنة...
ايها المنافقون قولوا خيرا او بلعوا فمكم ...
علابيها البلاد راهي فالزمر على جال ذنوبكم و نفاقكم ...
تبانل ابني بيهم كاش وليه مرميه في شارع او ابنيها بمنزل للمشردين في هدا شتا احسن من جامع ولا روح قريات نتاع جلفه كما سيدي بايزيد ادريسيه حتى توصل افلو شوف ناس لمزال يشعلو نار به يدفاو وونهار ياكلو ونهار لالا ولبسين درابل تع بكري تع شفون ولحم يشوفوه مره في عيد
على حساب متر و هندسة و واش يكلف مواد و عمال وعلى ما اظن 30 مليون كركاس وحدو
خطوة موفقة بإذن الله عمرك متندم عل جامع سعر على حسب ميتراج وجودة المواد وسعر قطعة الأرض يعني تدخل فيها عدة عوامل ربي يوفقك عمرك متبدل رايك ❤️❤️ بالعكس الجامع يربي أمم 🌷
ماراكش مسجل معانا. تقدر تفيدو؟
تقدر تدخل بسهولة منا
Sign in with Google