صباح الخير للجميع لدي صديقة في عمرها 21 سنة تقرأ في الجامعة كانت رايحة تخلص الما..

صباح الخير للجميع لدي صديقة في عمرها 21 سنة تقرأ في الجامعة كانت رائحة تخلص الماستر العام هذا وبسبب الظروف الصحية لي عندها (اكتئاب حاد و وسواس قهري وراهي بالدوا) ولزمتلها جو ملائم لي تعيش فيه وعندها تاني الرهاب الاجتماعي وبسبب تخمامها الفريد باباها حابها تخرج من الدار لانو عامين وهي قاعدة ما دخلش مصروف حاوزها من الدار قداه مرة ولكن ماماها ماكنتش تخليها تروح واش تقترحوا علي باش نقدر نعاونها واش تقدر دير باش تكسب صوارد من الدار مع العلم تعرف تغني انجليزي السول البوب الجاز عندها موهبة

تساعفيني مكالاه تكسب دورو م الغنا، نصيحة من غريب، تتعلم حرفة ولا صنعة يد و ربي يوفقها بيلاما تخدم و اذا ما خدمتش نشاللله يجي ولد الحلال اللي يوقف معاها ❤

السلام عليكم اختي الوالد التاعي يعاني من الوسواس القهري و الاكتئاب كذلك و في حالتو جربنا كلش ولكن الشي الوحيد اللي نفعو هو التعامل معاه كشخص عادي ماشي مريض و الاهتمام شفناه تحسن كي تعاملنا معاه هكاك ف التعامل معاها بحساسية شديدة تخليها تحس نفسها عبئ ثقيل على الناس من حولها لذلك انصحك خليها حتى هي تنحي من عقلها فكرة المرض و التعب النفسي و بمجرد تحسنها ابداي تخرجيها لأماكن تحس نفسها فيهم مرتاحة راح ينفعها هاد الشي و لكن يبقى هاد الشي لأهل الاختصاص تواصلي مع أطباء نفسيين و فهميهم حالتها وهوما يعطوك طرق التعامل الصحيحة اللي تخرج عليها لانو ماشي كل الناس علاجها واحد و تخمامها واحد أهل الاختصاص ادرى والله يفرج عليها ويجازيك على اهتمامك بيها 👏🏾

بلاك طبيب نفسي يقدر يفيدها ان شاء الله

اذا دخلت للموسيقى في هاذي لحالة تنجرح اكتر. مجال لغنا اكحل اكتر من ما تتصوري. الطريقة لشتها نفعت مع ناس لعندهم وسواس قهري كيما قاتلك الاخت شيما اول خطوة ماتحسيهمش بلي مراض. ثاني خطوة ماتحولش تقلق روحها بالخدمة تبدا غير بلعقل. مشروع من دار يحتاج صبر ووقت ونفسية اذا هاذو ماكاش رايحة تعية اكثر. اذا سائل باغي ابداو مع بعض ماشي هي تبدا وحدها. ومين داك شجعوها واحد فيكم يشري واش تخدم. وننصحها تتعلم لخياطة.