محتاجة بعض النصائح بخصوص موضوع راه مضيعني انا فتاة في عمر ال 21 سنة عندي واحد ال..

محتاجة بعض النصائح بخصوص موضوع راه مضيعني انا فتاة في عمر ال 21 سنة عندي واحد ال 6 اشهر اعاني من اكتئاب في صمت و لأسباب عديدة و وليت نخمم غير ف الانتحار و بشكل مستمر رفم اني نحاول قدر الامكان ننسا همي نصلي ف وقتي ولكن دايمن نشوف بلي هداك هو الحل الوحيد اللي عندي و مالقيتش الي يوقف معايا حتى اهلي مانقدرش نشكيلهم الوالد مريض نفسيا و الام همها يكفيها ،صراحة الشي الوحيد اللي مانعني انو حرام جربت كلش باش نحي هاد الفكرة ولكن دمرتني مقدرتش و مع العلم اقدمت على الانتحار منذ 4 سنين و لكن الحمد لله سلكت بشعرة تعيشو قولولي واش نقدر ندير باش نتخلص من هاد الفكرة .

1. و لا تقتلوا أنفسكم إن الله كان بكم رحيما و من يفعل ذلك عدوانا و ظلما فسوف نصليه سعيرا

هاذا ما يسمى بـِ الإكتئاب (la dépression) ..

• شوفي .. الإكتئاب مرض .. كيما الانفلونزا وكيما لقراجم و... عندو دواه تلقايه عند طبيب الأمراض العقلية psychiatre .. وكي نقولو طبيب الأمراض العقلية ميش معناه أننا نهدرو على الجنون ولا .. كيما راه فاهمين أغلب الناس .. لالا .. كاين أمراض بزاف غير هو لي يقدر يداويهم .. والاكتئاب أكبر أعاضو وأخطرهم هو التخمام في الانتحار .. إذن اختي شوفي طبيب برك يعطيك مضادات الاكتئاب وبإذن وعلاجات نفسية وبإذن الله رايحة تشوفي الضوء من جديد .. رانا كامل عايشين في ظروف متشابهة ونقدرو نتفهّمو هاذ المشاعر ... حصّني روحك بنفسيّة جديدة وطموحات و... حاولي تبداي حوايج جدد والأهم من ذلك داومي عليهم ... بلا ما ننساو الجانب الروحي من صلاة في الوقت .. رحمة ربي وسعت كل شيء ...
• طالب طب مر من هنا

أختي ، كان عندي نفس المشكل. مي الحمد لله درك :) نوصيك كثير الاستغفار و داومي على سورة البقرة. و كاين كتب قريهم كيما البرمجة اللغوية العصبية فيها طرق التفكير الايجابي و كيفاش تتخطي الانهيار العصبي. الا أحتجتي أي حاجة راني هنا ؛)

لانه امانك ضعيف و راكي فاهمة دنيا غلط هذي مرحلة كاع نفوتو عليها كي تخرج منها تما تولي انسان اقوى

عليك بالايمان بالله وتقويته وعليك بقرائة القران ومحاولة الحفظ

دواء الحروب النفسية سورة البقرة داومي عليها راهي تعمر وقتك و تعمر ميزانك و حياتك رايحة تتغير 180 درجة .. اختميها كل يومين ولا بعد كل صلاة اقرأي منها حزب المهم راح تحيري في التغير الي رح يصرا معاك نفسيا و اجتماعيا انشاالله و اذا عندك فراغ عمريه باي حاجة تحبيها الي هية المهم عقلك خليه ديما مشغول و لكي الله اختي

اختي ديري حاجة في راسك بلي مكانش انسان عايش حياة مثالية كلنا عندنا مشاكل وهموم وصعوبات بصح لازم نكونوا اقوياء باش نحققوا احلامنا ونوصلوا لاهدافنا.علبالك لي في عمرك راهم دايرين مشاريع ويخدموا ويدخلوا في دراهم ويقراو وهذا كامل لانو شخصيتهم قوية وباش توصلي وين حابة لازم تكون عندك ثقة كاملة في ربي سبحانو انو راح يعطيك القوة باش توصلي ولازم ايمانك يكون قوي.صلي واقراي قران وتمعني في معانيه.اقراي كتب و اتفرجي عمر عبد الكافي والنابلسي والشقيري.ديري حرفة وابداي مشروع.نظمي وقتك وراح تولي احسن فتاة في سنك وربي يوفقك ان شاء الله

نتفاهموا على حاجة ... ربي كتبلك الهم لي بيك لانك الوحيدة فهذي الدنيا لي قادرة عليه ... تخمي فالانتحار معناها الهزيمة و راكي تخليتي على وش عطاك ربي .... الحزن نعمة استغليه باه تنظمي افكارك و تصححي اخطاءك مشي تهدمي صحتك وشخصيتك .... المشاكل تقوى تقوى تقوى ممبعد تتحل ضربة وحدة .. الصح فالصبر .... منقولكش الحياة وردية و تفاءلي .. نو الدنيا صعيبة بصح نتي اصعب منها نتي محاربة ... منقولكش كوني قوية .. نتي اصلا قوية اقنعي بذلك فقط ..... و ملاحظة : نحكي عن تجربة يا الاخت كي قريت واش كتبتي حسيتك تهدري عليا

الإنتحار راح يديك المكان أسواء ملياار مرة من هذا العذاب النفسي... انا انقول والله اعلم . هذا تسلط القرين . اكثري من قرأت القرآن وخاصة سورة ق . ستساعدك في التخلص من تسلط القرين . (القرين هو نوع من الشياطين المصاحبة للإنسان منذ ويلادته الي ان يموت ) .

الكتب ثم الكتب ...راح تغير طريقة تفكيرك و تبدل نظرتك للدنيا تدخلك في عالم ثاني . اكتبي فغوغل كتب تغير حياتك راح تلاقاي افضل الكتب تليشارجيها و إبداي تقراي اقراي ايضا كتب العلاج النفسي صدقيني راح تبدلي طريقة تفكيرك عن تجربة و ربي يفرج كل مهموم كون كان فالانتحار حل كون كامل نتاحرنا و كون ربي محرموش ..و كي تجي تشوفي صح الواحد نفسو ضعيفة و و ميحملش ساعات لكن حاجة متساهل تخسري حياتك على جالها بلا متنساي ربي ادعيه يكون معاك . اذا غلطتي ارجعي ليه و اذا فاتاتك حاجة فحياتك انساي و خممي فلي جاي ... اتعلمي مهارات جديدة اتعلمي لغة جديدة رآه كاين كلشي فالانترنت متخليش وقت فراغ للتفكير سلبي عمري و شغلي وقتك رآه كاين كلشي فالانترنت و الله يفرج عليك و على جميع مهموم

عليك تجربة اشياء جديدة تكوين صداقات تعلم مهارات اكتشاف نفسك من الداخل

صلي في وقتك وخصوصا الفجر و قرأن الفجر و اقري القرأن في نهار و اذكار الصباح و المساء كاين وحد الابليكاسيو اسمها المصلي فيها الاذكار و كاين مسلم برو فيه الاذكار و التسبيح و الاستغفار و ادعي ربي بزاف عادي قد مديري ادعي ربي ايضا ديري الرياضة حتى في بيتك ايضا بعدي على السكريات

الانتحار موش حل ختي ما تربحيها لا دنيا لا اخرة ننصحك الصلاة و اقراي القرٱن و ادعي ربي يفرج عليك او حاولي تقضي وقتك متخليش و قت الفراغ باش متخميش فالسلبيات او زيدي شوفي طبيب نفسي موش يعني كي تشوف طبيب مهبولة اي واحد يروحلو خاطر الانسان يمر بظروف صعبة أحيانا ديري هاذ لحوايج بإذن الله تولي في مزاج رائع

ختي تنجمي تشوفي طبيب نفسي؟ يقدر يعاونك بالأدوية المضادة للاكتئاب وكلش بصح لازم هو يتبع حالتك