مجهول
اذا تسألي المتابعين هل احد يعاني من ارق النوم؟ رقد بصعوبة؟ علبالي الطبيب المختص ..
اذا تسألي المتابعين هل احد يعاني من ارق النوم؟ رقد بصعوبة؟ علبالي الطبيب المختص يفيد اكثر مي حاب نسأل على تجاربكم اذا كاش من يمر بيها؟ سييت دوا وعت نحس روحي خامل طول نهار؟
أنا عامين و انا نعاني منو ، و مع القراية ما يجي يطلع النهار نكون رقدت زوج سوايع برك 💔 سو، الأرق ما يجيش غير هكاك لازم يكون عندو سبب.. روح للطبيب أول حاجة تديرها دير إياغام على الغدة النخامية (في الرأس) نصيحة من عندي مام لوكان الطبيب يقولك لالا ماكالاه قولوا غير لياغام اللي تديروا ! يشوفوا اذا ما عندك والو في راسك -بعيد الشر- .. اذا ما صابوا والو شوف في الهرمونات .. اذا ثاني ماكاين والو شوف پسيكولوڨ نوغمال خدمتو ياك يشوف اذا علاجال سبب نفسي ولا يديرلك تنويم مغناطيسي ولا كاش حاجة تكالمي العقل الباطن .. و باااااالااااك مالدواوات توالف بيهم تولي ما ترقدش بلا بيهم انا راني نسوفري كي حبستهم غير الدواوات اللي اخطيك منهم سوختو المغنزيوم .. دير ثان تيزانة نتع البابونج تكالمي ليناغ مي ما توالفهاش
بلوة حياتي هاد الارق 😭😭😭💔 سييت كلش ...بصح عفك من دوا و الله يدوخ تولي كي متعاطي المخدرات
انا كنت نعاني من ارق النوم الطبيب قالي ماشي مرض لكن حالة نفسية عادي و خاصة مع الحجر المنزلي ماناش تتحركوا منحسوش بالتعب تع أخر اليوم نجو من برا رقدو ليه ليه هاذا الأمر الاول☝🏻الأمر الثاني لازم قبل مانرقدو ب ساعتين نتوقفو عن الأكل لانو كون ناكلو و نرقدو رح تصرالما اضطرابات في الهضم أحيانا و بالتالي منرقدوش مرتاحين و لازم ثاني قبل النوم بساعتين نحبسو كلشي وسمو (الكترونيات أو شاشة ) و انا نصحني الطبيب نشرب فيتامين (س) وراء الغذاء و الله ساعدني بزاف كي نشربو تلحق 9 تع ليل نرقد النوم العميق ههههه الحمد لله بصح لازم يتشرب صباح وراء الغذاء كأقصى حد و شكرا
Contactez @bdit_nfi9 0542.61.73.15 cabinet le zen à oran un psychiatre et un psychologue très compétents
الأرق يجيك من التفكير الزائد و الشعور الضغط المفرط ، لذا حاول إيجاد هذا المشكل و حله, إضافة إلى عدم إهمال الجانب الديني و تغذية النفس بالصلاة و قراءة القرآن يمنحك السكينة ثم النهوض باكر و العمل بإنتاجية أكثر في اليوم يعني دير حجات يصلحو و. be productive.
عانيت منو كثيرا لدرجة خاصة بعد رمضان لاشهر و انا اعني من الارق و لا استطيع النوم احيانا حتى الساعة الرابعة صباحا او احيانا اكثر. المهم وجدت حل سبحان الله كان الارق لم يكن موجود في حياتي و كنت انام مثل الاطفال الصغار ..سورة البقرة بعد ايام فقط من بدا قراتها .. اقراها كاملة بعد صلاة العشاء من الاحسن تستغرق ساعة لا اكثر رانا نقضيو ساعات في مواقع التواصل يعني ساعة ماشي بزااف .. كل يوم في نفس الوقت و سترى معجزات هاته السورة و الله هي الي ريحتني من الارق و السهر ..جربها و اعلمني بذلك. .
عانيت منو حياتي كامل لكن الآن الحمدلله نهار رحت لطبيب الغدد ضربني ب 3000 دج على والوا و الله وليت نرقد بكري و نوض بكري دارنا حارو فيا ، على حساب واش كنت نجوز نقولك انها حالة نفسية وحدك تقدر تخرج منها و ربي معاك
قريت معلومة ان شاء الله تنفع انو كل مايتذكر الشخص الماضي يشعر بالنعاس واذا يفكر فالمستقبل يبقى مستيقظ
جرب التامل قبل النوم كاينين في اليوتيوب. والتنفس من البطن "البطن يطلع كي تتنفس ماشي الاكتاف" ترقد قبل ما تكمل التامل تاعك. حاول فقط الارتخاء التام. واذا حبيت ارواح الخاص نزيد نفهمك سلام
انا عانيت من نفس المشكل واليوم الحمد لله. شربي بزاف التيزانة من بعد نكتبلك الوصفة مهدئة للأعصاب ومريحة للنوم ان شاء الله رايحة تدعيلي
الابتعاد عن الهاتف قبل موعد النوم بساعة وأخذ كتاب قراءة صفحات وأو قراء القرآن الكريم وكذلك أكل موزة قبل النوم بساعة فهي تساعد في رفع الهرمون المتحكم في النوم ..ويفضل ان تكون الغرفة مضلمة جدا وأخذ أذكار النوم والوضوء قبل النوم وعقد النية للإستيقاظ لصلاة الفجر ..وصفة مجربة والحمد لله والنتيجة راح تكون في اسبوع او اسبوعين
Nchrob la tisane ta3 lavandre m3a na3n3 9bl mnr9d w Nb9a nestaghfer dok welit ner9d à l'aise
Lazm toud bkri sinon kayn tisane camomille tres efficace wela hlib dafi maa 3ssel
ماتروحش لفراشك والنعاس ماجاكش ..قرا فالمصحف ولا كتاب حتى يجيك النوم ..
Évitez dwawat ge3 psq Oumb3d ywlilk idman w difficile thbso jarb les tisanes swalh naturelles
جربي ثبتي وقت معين ترقدي عليه ، مثلا العشرة تاع الليل و داومي على هاد الوقت و ان شاء الله راح تتخلصي منو ، و تانيك نصيحة ماطوليش بالتلفون فالظلمة
Lzm f nhar t3ya tkhdl 3yi ruhk ou fl 3chya syi nhi telfun a 23 h nhi lydk htu b3id wreld 3ink wr9ud asl3 rou9ya t 10mn tr9ud ki l bb m lazm m la premier fois dir hka bch 39lk ywlf hda mkn wkhtik m dewa psk twlfj twli mthbcuch sgm whdk wchuf
Noud à 6hr du mât w ndir programme chargé l ma journée ( Sport télé dakhla kharja khdma kch activités t'lhai) w mndirch la sieste max walit 22:30 h nergod k. Ô ana makontch nergod Lil complet
لذلك نصحو انو من يعاني الارق كل ما يجي يرقد يتذكر من الصباح بادق التفاصيل واش عمل الاكثر قالو انو قبل ما يلحقو لمنتصف النهار ينامو
عود ارقد بكري ونوض بكري ودير مجهود في نهارك دير رياضة ولا اي حاجة تغلب بش فالليل تغلب ترقد
انا نعاني من ارق مي كاين يامات نرقد كالبيبي، منبعد تفوت عليا فتره نوالي نبكي باه نرقد ❤️❤️
حاول الاستيقاظ مبكر وماترقدش في النهار وتعرض لضوء النهار مهم جدا يعني الا كنت في الدار خرج برا مدة ورجع
ماراكش مسجل معانا. تقدر تفيدو؟
تقدر تدخل بسهولة منا
Sign in with Google